Жыл башынан бери мамлекеттик чек ара режимин бузган 100дөн ашык адам кармалды

Жыл башынан бери мамлекеттик чек ара режимин бузган 100дөн ашык адам кармалды. Бул тууралуу бүгүн, 25-октябрда Мамлекеттик чек ара кызматынан билдиришти.

Маалыматка караганда, Кыргыз Республикасынын Административдик жоопкерчилик боюнча кодексинин 389, 389-1, 389-2, 389-3-беренелерине ылайык, чек ара режимин бузган адамдарга 30 эсептик көрсөткүчтө, кызмат адамдарына 50 эсептик көрсөткүчтө административдик айып салынат.

“Жыл башынан бери 100дөн ашык адам кармалып, аларга административдик айып салынган. Анын негизинде республикалык бюджет 332 миң сомго толукталган”, - деп айтылат Мамлекеттик чек ара кызматынын маалыматында.

Автор: Бекжан Рыскулов