Ысык-Көл районунда 19 жаштагы кызды бычактап өлтүргөнгө шектелип 24 жаштагы жаран кармалды

Ысык-Көл районунда 19 жаштагы кызды бычактаганга шектелип аталган райондун 24 жаштагы тургуну кармалды. Бул тууралуу бүгүн, 28-октябрда Ички иштер министрлигинин басма сөз кызматынан билдиришти.

Маалыматка караганда, кечээ, 27-октябрда Ысык-Көл райондук ички иштер башкармалыгына Ысык-Көл районундагы Бактуу-Долоноту айылында 20-25 жаштардагы кыздын жансыз денеси табылгандыгы тууралуу маалымат келип түшкөн. Ысык-Көл РИИБинин кызматкерлери аталган жердеги үйлөрдүн биринин алдынан Ысык-Көл районунун 1997-жылы туулган А. кызы А. аттуу тургунунун жансыз денесин табышкан. Анын башында жана бетинде бычактан алган жаракаттар болгон. Ошондой эле кыздын жанынан бычак табышкан.

"Кыздын жансыз денеси Чолпон-Атанын шаардык ооруканасынын өлүкканасына жеткирилген. Соттук-медициналык экспертизанын жыйынтыгында анын денесине 11 жолу бычак сайылгандыгы аныкталган. Анын экөөсү жүрөк тушуна сайылган. Аталган факт боюнча кылмыш иши козголуп, кылмышка шектүү катары Ысык-Көл районунун 24 жаштагы К. уулу К. аттуу тургуну кармалды. Алдын ала маалыматтарга караганда, каза болгон кыз Чолпон-Атада мугалим болуп эмгектенип, кылмышка шектүүнүн тууганына сабак берчү. Кыз жумушуна баратканда, шектүү аны сейилдеп келүүгө чакырган. Ал каршылык көрсөткөндүктөн, кылмышка шектүү аны 11 жолу бычак менен сайып, окуя болгон жерден качып кеткен. Ошол эле күнү кечинде милиция кызматкерлери аны үйүнөн кармап кетишкен. Кылмышка шектүү жаран буга чейин сотто "бейбаштык" беренеси боюнча 2 жолу жоопко тартылгандыгы аныкталды", - деп билдирди ИИМдин басма сөз кызматынын кызматкери Эрнис Осмонбаев.

Автор: Саадат Токтоболот кызы
Фото: Интернеттен алынган

11:27 28-10-2016

Жазылуу

РУБРИКАДАГЫ СОҢКУ КАБАРЛАР

17:46 2025-06-24 | Коом жана турмуш

Блог: Мен көргөн Анталья: күн, деңиз, тарых жана сезимдер 95 0

17:25 2025-06-24 | Коом жана турмуш

“Тазалык” муниципалдык ишканасы шаардыктарга кайрылат 188 0

17:23 2025-06-24 | Бизнес-Инфо

MBANK Ысык-Көлдө шаң катырат: «Ари-Ури» башталды! 136 0

17:17 2025-06-24 | Коом жана турмуш

Мектеп окуучуларынын өздүк делолору санариптик форматка өтүүдө 173 0

17:02 2025-06-24 | Коом жана турмуш

Бишкектеги Жумабек көчөсү капиталдык оңдоого жабылды 183 0

16:47 2025-06-24 | Коом жана турмуш

Нарында мыйзамсыз курулуштар буздурулууда 221 0

Архив

Комментарийлер (11)

Arslan12

2016-10-28 11:29:57

ХХХ, адам эмей эле!

admin_portal

2016-10-28 11:48:13

Arslan12, этика нормаларын сактаңыз!

-7

fun84

2016-10-28 11:32:31

К.ууулу К. Бир у ашыкча жазылып калыптыр.

-1

aliko78

2016-10-28 11:32:56

Полиция дейби

chon.alai.

2016-10-28 12:18:00

ХХХ ушундай окуя коп боло берет неге азыраак ХХХ

admin_portal

2016-10-28 12:38:08

chon.alai., аймактар аралык түшүнбөстүк жаратуучу билдирүүлөрдү калтыруудан алыс болууну сунуштайбыз!

-4

nurai8894

2016-10-28 13:30:35

Экоонун ортосунда башка мамилелер болушу мумкун...

Beko87

2016-10-28 19:46:34

Закон кучсуз бизде!!!ошого олтуро берет коркпой.адам олтургонду олтуруш керек.ошондо олум азыраак болмок беле?

muhsina

2016-10-29 00:57:36

19 жашар кыз кантип мугалим болсун?! Өзү балапан го али?! Азыр бардык жерде политика... сейилдегенге көнбөсө эле бычактап салыш керекпи? Башка нерсе бар го бул жерде?

moldobaev.zamir

2016-10-29 18:17:45

Биздин айылдан болуптур кимдин кызы болду экен....ыйманы саламат болсун

ulchana

2016-10-30 01:34:14

Эки жолу соттолуп,эки жолу тен коюп жиберилген,ушунусун да ,да коюп жиберсе.Бул бала дагын 10 адамдын башын жейт.Мына бизде закон.

Комментарий калтыруу үчүн өз ысымыңыз менен кириңиз же каттоодон өтүңүз.