"13 жаштагы аталаш карындашын зордуктады" деп айыпталган жарандын эжеси: "Бир дагы экспертиза инимдин зордуктаганын тастыктаган жок"

"13 жаштагы аталаш карындашын зордуктады" деп айыпталып жаткан Эрлан Дөлөновдун иши боюнча соттук отурум 12-январга белгиленди. Бул тууралуу SUPER.KG порталына айыпталуучунун эжеси Жылдыз Дөлөнова билдирди.

Анын айтымында, ишти Талас облустук соту карайт.

"Иним Эрлан Дөлөновдун күнөөсү далилденген эмес. Бир дагы экспертиза анын зордуктаганын тастыктаган жок, болгону жабырлануучунун кыздык белгиси жок экенин аныктады. Анан кандайча Эрланды күнөөлөп жатышат билбейм. Буга чейинки отурумдарда инимди "сот чечими чыкканга чейин" деп камакка алышкан. Буга жабырлануучу кыздын жактоочусу менен мыйзамдуу өкүлүнүн "Эрлан Дөлөнов тарабынан коркутуу болуп жатат" дегени себеп болгон. Эрлан тарабынан эч кандай коркутуу болгон эмес. Бизге да түшүнүксүз болуп калды. Далил жок эле камап салса боло береби? Учурда ал Талас облусундагы убактылуу кармоочу жайда", - дейт Дөлөнова.

Айта кетсек, SUPER.KG порталына Рахима Айкымбаева аттуу Талас облусунун тургуну кайрылып, бир тууган агасынын 13 жаштагы кызын аталаш тууганы Эрлан Дөлөнов зордуктап, 2012-жылдан бери аял катары колдонуп келгенин билдирген.

Бул ишти алгач Бакай-Ата райондук соту карап, 2015-жылдын 2-декабрындагы чечими менен Эрлан Дөлөновду Кылмыш-жаза кодексинин 132-беренеси менен күнөөлүү деп таап, 3 жылга шарттуу соттогон. Бул чечимге макул болбогон жабырлануучу тарап облустук сотко кайрылган. Талас облустук соту 2016-жылдын 21-январындагы чечиминин негизинде райондук соттун чечимин өзгөртүүсүз калтырган. Ал эми 2016-жылдын 12-апрелинде Жогорку Сот ишти кайра кароо үчүн Бакай-Ата райондук сотуна жөнөткөн. Кайра жөнөтүлгөн ишти башка сот карашы керек болгондуктан Манас райондук соту караган. Анда Дөлөнов 132-берене боюнча айыпталып, 1 жыл 6 айга эркинен ажыратылган. Учурда ишти Талас облустук соту карап жатат. 2016-жылдын 18-ноябрында айыпталуучуну соттук териштирүү бүткөнчө камакка алуу чечими чыгарылган.

Автор: Бекжан Рыскулов

16:27 10-01-2017

Жазылуу

РУБРИКАДАГЫ СОҢКУ КАБАРЛАР

00:03 2025-06-24 | Түркүн дүйнө

The New York Times: Иран Катарга аба соккусу жөнүндө алдын ала эскерткен 12 0

23:45 2025-06-23 | Коом жана турмуш

24-июнга карата аба ырайы 79 0

23:24 2025-06-23 | Түркүн дүйнө

Иран АКШнын Катардагы аскердик базасына чабуул жасады(видео) 784 0

23:08 2025-06-23 | Түркүн дүйнө

НАТО АКШнын Иранга жасаган чабуулу эл аралык укукту бузбаганын билдирди 447 0

22:36 2025-06-23 | Түркүн дүйнө

Укол сайышкан. Франциядагы фестивалда көрүүчүлөргө кол салуу болду(видео) 638 0

21:49 2025-06-23 | Түркүн дүйнө

Францияда 9 жаштагы украиналык кызга үйлөнүүгө аракет кылган адам кармалды 846 0

Архив

Комментарийлер (5)

Ayida

2017-01-10 16:55:20

Ошол учун олум жазасын киргизбеш керек.Бейкуноо адамдар олуп кетет. Бул балада акча болсо керек байлыгын алалы дейби же коралбаса керек же кыз кийин кыз эмес болсо элге уят деп ушул ишти кылып ататда болбосо кантип бети чыдап каматат жана сот дагы адилетсиз экен камап ойуна келгенин кылып акча бербей койсо керек да ошол учун.Сотко куноосу жокту берсе оо дуйного кеткиче оз башына ушундай иш келет анан олот себеби кайтар дуйно деп койот

-7

Izdeim_seni.

2017-01-10 17:00:04

Ошо да. Эми уялбай он уч жашар кызды куноолошпосо болду . Элден уят деген качып калган.ууру кучтуу болсо ээсин доого жыгат деген заиан келди. Лично менин оюм,кызды ушул эле аталаш агасы зордуктаган болуш керек.

meni_kut

2017-01-10 18:06:28

эжеси албетте инисинин куноосун билсе да ак дей берет бир боорун камашпасын деп.Шамал болбосо чоптун башы кыймылдабайт

Djal1987

2017-01-10 19:58:58

Мумкун зордуктагандыр эжесине корсотуп зордуктамак беле. Зордукталган кыздар толтура айрыкча оспурум кездегилер. Айтылбай калып кетет ошого смело калаган кызды кучко салып же коркутуп зордуктап коюшат да боло берет турбайбы деп мээлерин калыптанып калат.

Tunerbei1812

2017-01-10 22:48:23

Бир мандеми болбосо айыптабайт эле да, мындай шерменделуу ишке. Ууру тойгончо жеп олгончо карганат дейт. Эки аталаш туугандар болгону менен куноокор тараптын кыз тарапка караганда турмушу жогору болуп тоотпой, басынтып жаткандыгы байкалып турат эжесинин созунон. Буга чейин сот, экспертиза, тергоочу дегендерге да кыйла чыгым болушса керек. Эми кийинки соз соттордун абийиринде эле калыптыр.

-1

Комментарий калтыруу үчүн өз ысымыңыз менен кириңиз же каттоодон өтүңүз.