Чүй облусунда мурда бир канча жолу соттолгон жаран 37 килограммдан ашык маңзат менен кармалды

Чүй облусунда мурда бир канча жолу соттолгон жаран 37 килограммдан ашык маңзат менен кармалды. Бул тууралуу бүгүн, 30-январда Ички иштер министрлигинен билдиришти.

Маалыматка караганда, 27-январь күнү Аламүдүн районунун Маевка айылында 1978-жылы туулган С.Анын жашаган жери текшерүүгө алынган. Анын жыйынтыгында 37 килограмм 300 грамм марихуана табылган. Учурда аталган факт боюнча кылмыш иши козголуп, С.А. убактылуу кармоочу жайга киргизилди.

Автор: Бекжан Рыскулов
Фото: ИИМдин басма сөз кызматы