Ат-Башы районунун Ак-Муз айылынын тургундары жазгы сел каптоодон кооптонушууда (фото)

Нарын облусуна караштуу Ат-Башы районунун Ак-Муз айылында 3 күндөн бери өзгөчө кырдаал. Кышы бою жааган калың карды 3 күн катары менен шамал айдап, күрткүгө айлантты. Жергиликтүү тургундар үчүн күрткү ыңгайсыздык жаратып, ички чарбалык жолдор карга толуп калган.

"Жыл сайын эле быйылкыдай калың кар түшөт, көнүп деле калганбыз. Бирок быйыл какаганга муштаган болуп бороон жүрүп, кар учуруп, ого бетер калыңдатып салды. Тазалай берип тажап деле бүттүк. Үй боюндай карды чыгарып, дарбаза, эшиктердин оозун ачыш оор. Мал-жан баса албай, короодо, үйдө корголоп отурабыз. Ишке жарамдуунун баары күнү бою кар менен алышат. Кыш ортолоп калгандан кийин жылда эле айылдын айрым жерлерине унаа бара албай калат", - деди жергиликтүү тургун Улан Мокешов.

Ак-Муздун жашоочуларынын айтымында, кардан дагы жазгы сел көбүрөөк кооптондурат. У.Мокошевдин айтымында, Өзгөчө кырдаалдар министрлигинин жергиликтүү өкүлчүлүгү жаз келгенде эриген кардын суусу толо тургандай кылып канал казып берген. Бирок көп көлөмдөгү кар эрисе ал каналдар дагы жанга аралжы болбой калат.

"Мындан 3-4 жыл мурун ушундай абал жаралып, короолорду суу каптап, майда жандыктарыбыз музга тоңуп өлгөн. Үйлөр авариялык абалга келип, кырсыктын кесепетин жоюу бир топ түйшүккө салган. Быйыл да ушундай кырдаалдан коркуп турабыз", - дейт жергиликтүү эл.

Белгилей кетсек, 12-март күнү түндө Ак-Муз айыл аймагынын Ак-Муз айылында жана Талды-Суу айыл аймагынын Өзгөрүш айылында катуу шамал болуп, кээ бир турак үйлөрдүн короолоруна, ички көчөлөргө кар күрткүсү толуп калган. Натыйжада жергиликтүү тургундардын көчөлөргө жана короо жайларына чыгууларына кыйынчылык жаралган.

Автор: Гүлжан Асанкожоева

17:53 15-03-2017

Жазылуу

РУБРИКАДАГЫ СОҢКУ КАБАРЛАР

09:58 2025-06-23 | Түркүн дүйнө

Тегерандын Ормуз кысыгын жабуу боюнча коркутуусуна АКШ жооп кайтарды 83 0

09:57 2025-06-23 | Түркүн дүйнө

АКШнын соккусунан кийин Ирандын тышкы иштер министри Москвага барды 120 0

09:46 2025-06-23 | Түркүн дүйнө

Иран Ормуз кысыгын жабууну жактырды: Дүйнөлүк мунай соодасынын 30 пайызы коркунучта 363 0

09:45 2025-06-23 | Түркүн дүйнө

Израилдин өкмөт башчысы өксүк дубалына кат калтырып, дуба кылды (видео) 264 0

09:10 2025-06-23 | Түркүн дүйнө

Оор жүк ташуучу кеме Суэц каналында сууга чөгүп кетти (видео) 455 0

08:57 2025-06-23 | Коом жана турмуш

Ташиев: "Жалал-Абадга эле көңүл бурулуп жатыптыр дебегиле" 552 0

Архив

Комментарийлер (11)

trabzon11

2017-03-15 18:02:46

карды атайын еле уйуп туруп суротко тартканго чамасы

-9

sladkaja_konfetka

2017-03-15 19:04:05

trabzon11,атайын уйуп жинди болушуптурбу? Ак муз шамалдуу айыл. Шамал болуп уйулуп калды

ukmuw-ukmuw

2017-03-15 22:40:59

trabzon11,азырынча баласын акылы жок чаласын го

Lenovo97

2017-03-15 18:07:36

Мына Нарындыктарды айткыла өздөрүнүн жанын өздөрү багып,40 градус суукта ,калың жааган каарга карабастан, эч кимге арыстанбай эле күн өткөрүп келишет. Болбосо Нарында 6 ай кыш.

ukmuw-ukmuw

2017-03-15 22:45:00

Lenovo97,туура айттын деле даттанып олдук талдык деп ечтеке айтпай еле маселелерди озулору еле чечет!жут болду бир жылы канча мал олду!карышкыр куч болтат даттанбай еле элдер озулору атып атат кар 1.5метр болду суук 40 градус болду унчукпай еле келтат элдин пейлинен айланса болот ток пейил елге кудайым берет ушунубуздан жазбайлы туугандар

afina66

2017-03-15 18:18:47

бул кар 2ай мурунку карго

-6

sladkaja_konfetka

2017-03-15 19:05:41

afina66, 3 кун тынбай жаады. 6 ай кыш болот. Жаз апрелдин аягында, майдын башында келет буюрса.

ukmuw-ukmuw

2017-03-15 22:40:18

afina66,келбейсинби нарынга бир еле кунго ат башыга атайлап уюуп кимдин жанына куч келиптир

barakcha

2017-03-15 20:05:18

Аллахым озу сактасын!Чынында Нарындыктарга данк!Чыдамкайлык сапат кучтуу...

tyrgon

2017-03-16 00:37:41

даттанбайле жашап келишет аары жактагыларга караганда бирдеме болсоле плакат алп кочодого

Nevestkaa

2017-03-16 09:11:13

Нарындыктарга рахмат ушунча суука чыдаган,бизде бир аз көп кар жаап койсо кандай болобуз.Атайын үйүлгөн кар мн көп жааган кардын айырмасы болот го .Сиздерге күч кубатты берсин Ат-Башылыктар.

Комментарий калтыруу үчүн өз ысымыңыз менен кириңиз же каттоодон өтүңүз.