Текебаев менен Чотоновдун сотунда жактоочулар менен соттун ортосунда пикир келишпестик чыкты

Бүгүн, 15-августта Биринчи Май райондук сотунда Өмүрбек Текебаев менен Дүйшөнкул Чотоновдун иши боюнча соттук отурум уланууда. Түштөн кийин жактоочу Чынара Жакупбекова жарыш сөзүн улантты. Отурумга экс-президент Роза Отунбаева да катышууда. Ал эми Жогорку Кеңештин депутаттары Аида Салянова менен Наталья Никитенко сот залына кире алышкан жок. Буга соттун конвойлорго "Журналисттер жана айыпталуучулардын жакын тууганынан башка эч кимди киргизбегиле" дегени себеп болду.

Жактоочу Чынара Жакупбекова 2010-жылдын 13-май күнү Текебаевдин "Конституциялык кеңешмеде" сүйлөгөн сөзүнүн стенограммасын окуп баштаганда сот Айбек Эрнис уулу "Ишке тиешелүү жерин айтыңыз" деген эскертүү берди.

Жакупбекова: "Ишке тиешеси бар мунун, так ушул 13-майда "Текебаев Маевский менен жолугушкан" деп айыпталып жатат, ошондуктан толук окуйм", - деп улантты. Сот аны араң токтотту. Залда угуучу катары отурган Роза Отунбаева да "ишке түздөн-түз тиешеси бар" деп кыйкырды.
Жакупбекова өз укугунан пайдаланып стенограмманы "окулсун" деген өтүнүч киргизди.
Айыпталуучу тарап өтүнүчтү толугу менен колдоп, Өмүрбек Текебаев: "Соттун жүрүшүндө да сиз ушул стенограмманы угууга каршы болгонсуз. Ошол күнкү окуялардын саат мүнөтүнө чейин материалдарга тиркелиши керек", - деди.
Прокурорлор өтүнүчкө каршылыгын билдирип, сот өтүнүчтү четке какты.

"13-майда өткөн Конституциялык кеңешменин стенограммасы видеолору менен ишке тиркелген. Окуя боюнча эле баа бериңиз сүйлөнгөн сөздөрдү кайталап айтпай эле коюңуз", - деди сот.

Автор: Илязбек Балташев
Фото: Илязбек Балташев

17:27 15-08-2017

Жазылуу

РУБРИКАДАГЫ СОҢКУ КАБАРЛАР

15:23 2025-06-21 | Коом жана турмуш

Мугалимдердин айлык акылары эки этапта көтөрүлөт. Качан? 292 0

14:50 2025-06-21 | Түркүн дүйнө

Тунистин мурдагы президенти 22 жылга эркинен ажыратылды 275 0

14:42 2025-06-21 | Түркүн дүйнө

Иран менен Израил бири-бирине ракета жана учкучсуз учактар менен сокку урууда 820 0

12:17 2025-06-21 | Кылмыштар, кырсыктар

Учтуу нерсе менен сайган... Кара-Сууда 33 жаштагы жарандын колунан кайненеси каза тапты 2085 0

12:05 2025-06-21 | Коом жана турмуш

Ошто мектептин коммерциялык багытка сатылып кеткен жери мэрияга кайтарылды 539 0

11:51 2025-06-21 | Түркүн дүйнө

Иран Израилдин соккусунан беш оорукана жабыркаганын билдирди 936 0

Архив

Комментарийлер (5)

adimyrza

2017-08-15 17:31:02

Сот,прокурорлордун эби кеттиго

Jelezo

2017-08-15 17:31:17

Сот прокурорлук кызматка ылайыктуу экен

-7

take.kg86

2017-08-15 17:41:00

АША сотту өтө катуу даярдаган экенда ошол Эрнис уулуну КЫРГЗСТАНдан кууп чыгыш керек экен кудайдан коркпогон адилетсиз сот экен жазасын баарибир алат. Ал бир гана АШАдан коркот окшойт

+10

Atas

2017-08-15 19:25:39

take.kg86, Sottu sen ech kachan kuui albaisyn antkeni kol tiibestike ee ukuk korgoo orgondaryn kamkordugunda bolot kachan bolbosun

-2

take.kg86

2017-08-15 21:43:45

Atas,презденттерди кууган элимдин алдында сотуң ким болуп калыптыр эл көтөрүлсө сотуңдун чычаар жери саманкана болуп калат. Андай кудайдан коркпогон адилетсиз соттун элге кереги жок

Комментарий калтыруу үчүн өз ысымыңыз менен кириңиз же каттоодон өтүңүз.