Бишкекте бөтөлкөлөшүн өлтүрүп, өрттөп жиберүүгө шектелген адам кармалды

1-сентябрь күнү болжол менен түнкү саат 10:40 чамасында 102 номерине чалуу келип түшкөн. Маалыматта Бишкек шаарынын Токомбаев көчөсүндөгү казылган аңдын ичинен адамдын күйгөн денесинин бөлүктөрү табылгандыгы кабарланат. Мындай маалыматты бүгүн, 4-сентябрда Бишкек ШИИББинин маалымат кызматы билдирди.

Ыкчам топ айтылган дарекке барып, күйгөн дененин бөлүктөрүн экспертизага өткөргөн.

Аталган кылмыш иши боюнча Кылмыш-жаза кодексинин 97-адам өлтүрүү беренеси боюнча кылмыш иши козголгон.

"Каза тапкан жарандын ким экендиги болжолдуу түрдө аныкталып, шектүү катары үй-жайсыз бир нече адамдар суракка алынды. Арасынан бирөө маркумду акыркы жолу 19-августта көрүп андан соң кезиктирбегенин айтты", - деп жазылат маалыматта.

Издөөлөрдүн негизинде жогоруда жасалган кылмышка шектүү катары 57 жаштагы Чүй облусунун тургуну кармалып көрсөтмө берген. Маркум менен шектүү 17-августта Түштүк Магистраль тараптагы аңдын ичинен чогуу спирттик ичимдик ичишкен. Шектүүнүн айтымында, каза болгон адам аны уюлдук телефонумду уурдап алдың деп күнөөлөгөн. Натыйжада экөөнүн ортосунда уруш чыгып кетип, шектүү маркумду жыгач союл менен 2-3 ирет чаап жиберип, окуя болгон жерден кетип калган. Ал эми анын денеси өрттөлгөндүгү боюнча сураганда "ошол маалда аңдын ичинде бир нерселер күйүп жаткан. 2-3 күндөн кийин барсам, анын денеси күйүп кетиптир. Сөөктү ошол жерге көмүп андан соң кетип калгам", - деген шектүү.

Окуя боюнча тергөө иштери жүрүүдө, ал эми шектүү убактылуу кармоочу жайга киргизилген.

Автор: Гүлжан Асанкожоева

22:43 04-09-2017

Жазылуу

РУБРИКАДАГЫ СОҢКУ КАБАРЛАР

12:17 2025-06-21 | Кылмыштар, кырсыктар

Учтуу нерсе менен сайган... Кара-Сууда 33 жаштагы жарандын колунан кайненеси каза тапты 1415 0

12:05 2025-06-21 | Коом жана турмуш

Ошто мектептин коммерциялык багытка сатылып кеткен жери мэрияга кайтарылды 353 0

11:51 2025-06-21 | Түркүн дүйнө

Иран Израилдин соккусунан беш оорукана жабыркаганын билдирди 706 0

11:32 2025-06-21 | Коом жана турмуш

Булуттар тоолорду кучактап... Жашыл шибер жамынган Токтогулдун тоолору (видео) 601 0

10:56 2025-06-21 | Коом жана турмуш

"Куликов" кондитердик компаниясы ушактарга чекит койду 1160 0

10:26 2025-06-21 | Коом жана турмуш

Дүйнөлүк валюталардын өлкөдөгү наркы 684 0

Архив

Комментарийлер (6)

Kuba-savai87

2017-09-05 01:30:14

Супер инфо жакшы жанылыктарды байма бай бергилечи сураныч жок болсо издегиле тапса болот. Кунуго канча иреет окуйм ушундай жанылык бешенеме деле бырыш тушуп кетти.

no.comment

2017-09-05 03:29:15

Kuba-savai87, ушундай кабарлар коп окулат. Бул деле бизнестин бир туру болуп калбадыбы.

admin_superstan

2017-09-05 11:40:59

Kuba-savai87, саламатсызбы! Сунушуңузга рахмат, эске алабыз.

abusait

2017-09-05 09:53:31

Арактын кесепети..

admin_superstan

2017-09-05 11:41:39

Tolkun555, порталдын ЖАЛПЫ ИШМЕРДҮҮЛҮГҮНӨ байланыштуу сын-комментарий жана талкуу иретинде жазылган билдирүүлөрдү сайттын жетекчилиги өчүрүү менен кошо колдонуучуну порталдан четтетиши мүмкүн. Сын-пикирлер portal@super.kg электрондук дарегине жазылып жөнөтүлүшү керек.

admin_superstan

2017-09-05 14:00:38

Beks0207, порталдын ЖАЛПЫ ИШМЕРДҮҮЛҮГҮНӨ байланыштуу сын-комментарий жана талкуу иретинде жазылган билдирүүлөрдү сайттын жетекчилиги өчүрүү менен кошо колдонуучуну порталдан четтетиши мүмкүн. Сын-пикирлер portal@super.kg электрондук дарегине жазылып жөнөтүлүшү керек.

Комментарий калтыруу үчүн өз ысымыңыз менен кириңиз же каттоодон өтүңүз.