25-июлдан тарта Жукеев-Пудовкин көчөсү жарым-жартылай жабылат

25-июлдан тарта Бишкектеги Жукеев-Пудовкин көчөсүнүн Кулатов көчөсүнөн Лев Толстой көчөсүнө чейинки тилкеси жылуулук тармагын оңдоп-түзөө иштерине байланыштуу жабылат. Бул тууралуу "Бишкек жылуулук тармагы" ишканасынан маалымдашат.

Билдирүүдө айтылгандай, магистралдык жылуулук тармагын реконструкциялоо боюнча иштер жүргүзүлөт. Иш 1-октябрга чейин Транспорт жана жол инфраструктурасын өнүктүрүү башкармалыгынын буйругунун негизинде жүргүзүлүүдө.

Шаар мэриясы убактылуу жаралган кыйынчылыктар үчүн кечирим сурайт жана айдоочулардан маршрутун алдын ала пландап алууну өтүнөт.

Автор: Сезим Жумагулова
Фото: Интернеттен алынды