Эртең Оштун кайсы жерлеринде электр жарыгы жок болот? Тизме

Эртең, 23-июлда Ош облусунун кээ бир аймактарында оңдоп-түзөө жана электр эсептегичтерди орнотуу жумуштарына байланыштуу убактылуу электр жарыгы өчүрүлөт.

"Ошэлектр" ААКсынын маалыматына ылайык, төмөндөгү аймактарда саат 8:00дөн 18:00гө чейин электр энергиясы убактылуу үзгүлтүккө учурайт:

Кара-Суу шаарынын Пушкин, Ленин, Заводская, Хлопзаводская көчөлөрүндө;

Чоң-Алай районунун Чоң-Алай, Жекенди айыл өкмөттөрүндө. Дароот-Коргон, Кара-Шыбак, Кызыл-Эшме, Жекенди, Шиве, Кара-Мык, Кара-Тейит, Кара-Кабак, Жар-Башы, Кулчу айылдарында;

Алай районунун Сары-Могол, Талды-Суу, Сары-Таш айыл өкмөттөрүндө, Нура айылында;

Ноокат районунун Найман, Көк-Жар айылдарында.

"Ошэлектр" ААКсы убактылуу жаралган ыңгайсыздыктар үчүн кечирим сурайт.

Автор: Айжанар Рыспек кызы