Япония Кыргызстанга 1 миллион доллар өлчөмүндө кайтарымсыз жардам көрсөтөт

Япония Кыргызстанга 1 миллион доллар өлчөмүндө кайтарымсыз жардам көрсөтөт. Мындай чечим аталган өлкөнүн өкмөтү тарабынан 28-октябрда кабыл алынган. Бул тууралуу Япониянын Кыргызстандагы элчилиги билдирди.

Маалымдалгандай, жардам кыргыз-тажик чек арасындагы жаңжалдан улам Кыргызстандагы гуманитардык кырдаалдын курчушуна жооп катары көрсөтүлүүдө.

"Бул жардам аркылуу Япония өкмөтү Бириккен Улуттар Уюмунун Дүйнөлүк азык-түлүк программасынын жана БУУнун Качкындар боюнча жогорку комиссарлыгы (БУУ КЖКБ) менен биргеликте тамак-аш, баш калкалоочу жай, азык-түлүк эмес товарлар, коргоо жана башка гуманитардык жардам көрсөтөт", - деп айтылат билдирүүдө.

Автор: Максуда Кудайбердиева