Дмитрий Бивол менен Артур Бетербиев кайрадан Сауд Арабияда беттешмей болушту

Сауд Арабиянын Спортту өнүктүрүү башкармалыгынын төрагасы Турки Аль аль-Шейх орусиялык мушкер Артур Бетербиев менен Дмитрий Биволдун реваншынын датасын жарыялады.

Беттеш 22-февралда Эр-Риядда өтөт.

Эскерте кетсек, Артур Бетербиев менен Дмитрий Биволдун ортосундагы биринчи беттеш 12-октябрдан 13-октябрга караган түнү Эр-Риядда өткөн. Анда калыстардын чечими менен Артур Бетербиев жеңишке жеткен (114-114, 115-113, 116-112).

Муну менен Бетербиев 21 беттеште жеңишке жетип, жеңилбеген мушкер бойдон калууда. Ал эми Дмитрий Бивол карьерасындагы биринчи жеңилүүгө учураган. Буга чейин ал 23 беттеш өткөрүп, баарында жеңишке жеткен (12си нокаут менен).

Автор: Азат Бейшенбеков