UFC 311: Умар Нурмагомедов карьерасындагы биринчи жеңилүүсүн моюнуна алган жок

Орусиялык UFC мушкери Умар Нурмагомедов Лос-Анжелесте өткөн UFC 311 турниринде жеңил салмактагы чемпион Мераб Двалишвилиге жеңилгенден кийин октагондон эле билдирүү жасады.

"Алгачкы үч раундду мен жеңдим деп ойлойм. Бирок баары Жараткандын каалоосу. Мен бул беттешти эми көрөм. Мен утулган жокмун деп ойлойм. Мен анын абдан күчтүү экенин билчүмүн. Бирок бул беттеште мен күчтүү болгондой сезилди", - деди Усар Нурмагомедов.

Эске салсак, беттеш беш раундга чейин созулуп, калыстардын бир добуштан чечими менен Двалишвилинин жеңиши менен аяктаган. Муну менен Умар Нурмагомедов карьерасындагы алгачкы жеңилүүсүн тартса, Двалишвили чемпиондук наамын коргоп калды.

Автор: Азат Бейшенбеков