Товарларды чет өлкөгө сатуу – жүгүртүүнү көбөйтүп, бизнести кеңейтүү үчүн мыкты мүмкүнчүлүк. Буга чейин эл аралык рынокторго чыгуу логистиканы жолго салып, бажынын жол-жоболорун түшүнүп, чет өлкөлүк кардарларды табуу үчүн олуттуу ресурстарды талап кылып келген. Ozon менен баары өтө жеңилдеди, себеби компания негизги операциялык милдеттерди өзүнө алат. Маркетплейс менен өнөктөштүктө ийгиликтүү бизнести кантип баштаса болорун айтып берели.
Ozon эл аралык сооданы жигердүү өнүктүрүүдө жана сатуучуларга мүмкүн болушунча азырак чыгым менен чет өлкөлүк тышкы рынокторго чыгууга жардам берет.
Ozon менен иштөөнүн негизги артыкчылыктары:
- Кеңири аудитория. Маркетплейстин 53,5 миллиондон ашык жигердүү колдонуучусу сооданы кызытуу үчүн жогорку потенциалды камсыз кылып беришет.
- Өнүккөн логистика. Ozon кампаларга жана сорттоо борборлоруна инвестиция салат, бул жеткирүү мөөнөттөрүн кыскартып, товарларды сактоону жөнөкөйлөштүрөт. Бүгүнкү күндө компаниянын Орусияда жана КМШда жалпы аянты 3 миллион чарчы метрди түзгөн ири логистикалык тармактары бар. Бул тармакка 43 фулфилмент-борбор жана 100дөн ашык сорттоочу борбор кирет.
- Маркетингдик колдоо. Платформа каалаган өлкөдө сатып алуучуларды тез табуу үчүн товарларлын таанытуунун аспаптарын сунуштай алат.
- Бүтүмдөрдүн коопсуздугу. Ozon сатуучулардын жана кардарлардын укуктарын коргоого кепилдик берет, ошондой эле бажы органдары менен байланышты өзүнө алат.
Чет өлкөдө сатып алуучуларды кантип тапса болот
Биринчи кезекте, келечектеги экспортер мыйзамдарды түшүнүп, тандап алган өлкөлөрдө товарларды сатуу үчүн бардык керектүү документтерди тариздөөгө тийиш. Биринчи этапта товарга ТЭИ ТН кодун түшүнүш керек, ал боюнча бажы органдары анын категориясын аныктап, товарды ташып келүүнү жөнгө салышат. Товарлардын айрым категориялары алардын аныктыгын тастыктоо үчүн милдеттүү түрдө маркировкалоону талап кылат – бул маселени да алдын ала чечип алыш керек. Мындан тышкары, экспорт үчүн шайкештик сертификаттары, декларациялар жана башка уруксат документтери керек болушу мүмкүн.
Көпчүлүк учурда Ozon бажы менен байланыштын негизги маселелерин чечет, бул болсо сатуучунун жүгүн азайтат. Эл аралык рынокко чыгуу үчүн төмөнкүлөр керек:
- Ozon Seller’де катталышыңыз керек. Иштөө үчүн юридикалык жактын же жеке ишкердин статусу талап кылынат.
- Товарлар кайсы өлкөлөргө жөнөтүлөрүн аныктап алыңыз. Бул этапта суроо-талапты аныктап алып, рыноктогу кырдаал менен таанышып чыкканыңыз туура болот.
- Товарды сатууга даярдаңыз. Экспорт кайсы өлкөгө пландалып жатса, сертификациялоого, маркировкалоого жана таңгактоого коюлган талаптарды текшерип алыш керек.
Товарларды башка өлкөлөргө кантип жеткирсе болот
Ozon сатуучуларга жумуштун бир нече схемасын сунуштайт жана аларды айкалыштырууга болот.
- FBS (Fulfillment By Seller) — сатуучу товарларды өз кампасында сактайт, буйрутмаларды өз алдынча топтойт жана аларды жеткирүү үчүн Ozon’го өткөрүп берет.
- realFBS — сатуучу документтерди сактоо, таңгактоо, жеткирүү жана тариздөө үчүн толугу менен жооп берет.
Эл аралык жүк ташуулар таңгактоо стандарттарын, так маркировкалоону бекем сактап, буйрутма жөнүндө толук маалыматты берүүнү талап кылаарын эске алыш керек. Болбосо, товар бажыда көпкө кармалып калышы ыктымал. Ошондой эле эл аралык логистика менен байланышкан ыктымалдуу тобокелдиктерден коргонуу үчүн жүктөрдү камсыздандырууну да караштыруу зарыл.
Товарларды чет өлкөлүк рыноктордо таанытуу
Товарды чет өлкөгө сатуу жергиликтүү өзгөчөлүктөрдү эсепке алууну талап кылат, бирок товарды таанытуунун негизги принциптери өзгөрүүсүз калат:
- Товарлардын сапаттуу карточкалары. Сүрөттөлүштөрдө так мүнөздөмөлөрдү, материалдарды жана колдонуунун өзгөчөлүктөрүн көрсөтүп, визуал катары сүрөттөрдү гана эмес, видеолорду да колдонуу маанилүү.
- Ozon’дун аналитикасын колдонуу. Сатуучунун жеке кабинетинде ар кайсы өлкөлөрдөгү суроо-талаптар жөнүндө маалыматтар жеткиликтүү болот.
- Кайтарым байланыш менен иштөө. Кардарлардын суроолоруна ыкчам жооп берип, алардын каалоолорун эске алуу маанилүү.
- Акцияларга катышуу. Ozon туруктуу негизде сатып-түгөтүү акцияларын өткөрүп турат, бул аудиториянын санын көбөйтүүгө жардам берет.
Ozon’дун интерфейси ар кайсы өлкөлөрдөгү сатып алуучулар үчүн ылайыкташтырылган, баалар автоматтык түрдө жергиликтүү валютага которулуп эсептелет. Бирок, чет өлкөлүк кардарлар продукциянын сапатынан жана жеткирүү убактысынан башка нерселерди күтүшү мүмкүн экенин унутпоо керек. Ошондуктан, сервистин жогорку деңгээлин сактап калуу үчүн алар менен иштөө стратегиясын алдын ала ойлонуп койгон туура болот.
Эл аралык рынокторго чыгуу – бул бизнести кеңейтүүнү жана товарларды көбүрөөк сатууну каалаган ишкерлер үчүн логикалык кадам. Ozon’дун өнөктөштөрүнө University Ozon платформасында ири Билим базасы, ошондой эле окутуу курстары жеткиликтүү болот, алар чет өлкөлүк рыноктордогу иштин бардык чоо-жайын түшүнүүгө жардам берет. Ozon Seller’де катталып, бизнестин өсүшү үчүн платформанын мүмкүнчүлүктөрүн колдонуп калыңыз.
