Парламент спикери ИИМди бир жактуу айыптоолордон карманууга чакырды (видео)

Бүгүн, 19-июндагы Жогорку Кеңештин жыйынында парламент төрагасы Нурланбек Тургунбек уулу Ички иштер министрлигин бир жактуу айыптоолордон карманууга чакырды.

Ал ИИМдин ишмердүүлүгү мурдагы жылдарга салыштырмалуу жакшырып жатканын айтып, милиция кызматкерлери бардык зарыл иштерди аткарып жатышканын белгиледи. Спикер коомчулукта мурун "милиция мени кордойт" деген ой калыптанып калса, бүгүнкү күндө ИИМ "милиция мени коргойт" деген ой калыптандыруунун үстүндө иштеп жатканын билдирди.

Мунун алдында парламент отурумунда депутат Айсулуу Мамашова зордук-зомбулук фактылары өсүп жатканын айтып, ИИМге толук кандуу иштерди алып барбай жатканына нааразы болуп, сынга алган.