ХАМАС согушту толук токтотууга алып келе турган келишимге даяр

ХАМАС Газада ок атышпоону токтотууга даяр экенин билдирди. Бирок АКШнын президенти Дональд Трамп сунуштаган жана Израил менен макулдашылган планды азырынча кабыл ала элек.

ХАМАСтын басма сөз катчысы Тахер аль-Нунунун айтымында, топ макулдашууга жетишүүгө даяр.

“ХАМАС согушту толук токтотууга айкын алып келген бардык демилгени кабыл алууга даяр”, - деп келтирет чет элдик басылмалар анын сөзүн.

Буга чейин Трамп Израил Газада 60 күндүк ок атышпоо келишимине макул болгонун, анын жүрүшүндө ал согушту токтотууга аракет кыларын билдирген.

Автор: Кылымбек Бейшеев
Фото: Интернеттен алынды