Индонезиянын полициясы ымыркайларды сатуу менен алектенген топту аныктады

Индонезиянын полициясы 2023-жылдан бери кеминде 25 наристени Сингапурдагы сатып алуучуларга саткан деп шектелген эл аралык топту жок кылды.

Бийлик ушул аптада Понтианак жана Тангеранг шаарларында бир жаштагы алты ымыркайды сатууга камданып жаткан кылмыштуу топко байланыштуу 13 кишини камакка алды.

Полиция алардын иштөө тартиби балдарын тарбиялоону каалабаган ата-энелерге же болочок энелерге багытталган деп эсептейт. Кээ бир учурларда, алар адегенде Facebook аркылуу байланышып, андан кийин WhatsApp сыяктуу жеке байланыш каналдарына өтүшкөн.

Индонезияда аборт мыйзамсыз болуп саналат.

Автор: Замира Ниязбекова