"Мейкин Азия" фестивалында 1-орунду багындырган Урмат Сатыбалдиев жеңишин кыргыз элине арнады (видео)

Чолпон-Ата шаарында өткөн "Мейкин Азия" эл аралык музыкалык фестивалында биринчи орунду алган Урмат Сатыбалдиев колдогондорго ыраазычылыгын билдирди.

"Кыргыздын намысын сактап калдык деп эсептейм. Мындан дагы алдыга жылышка аракет кылабыз. Колдоочуларга чын жүрөктөн ыракмат. Ырдап жатканда колдоо абдан сезилет экен. Ошондо берилип ырдап, ачылат экенсиң. Бул биринчи орун сиздердики кыргыз элим",- деди ал жергиликтүү телеканалдардын бирине.

20-июлда башталган сынак 22-июлда жыйынтыкталды. Баш байгени румыниялык ырчы алды.