Ырчы Алмаз Шаадаев 35 жашка чыкты

Бүгүн, 11-сентябрда ырчы Алмаз Шаадаевдин туулган күнү. Ырчы бул жылы 35 жашын белгилеп жатат.

Алмаз Шаадаев 1990-жылдын 11-сентябрында Нарын облусунун Ат-Башы районунда жарык дүйнөгө келген. Үй-бүлөдө 4 бир туугандын улуусу. Учурда ал бир кыздын атасы.

Ал чоң сахнага "Супер-Инфо" гезити тарабынан уюштурулган “Жылдын суперлери-2010” концертинде “Жаным, ай” аттуу ырын ырдап чыккан. Алмаз Шаадаев Кыргыз-Түрк "Манас" университетинин туризм-саякат бөлүмүн аяктаган.

Ырчы "Фаридам", "Жубайым", "Сен дегенде", "Арзуу", "Көлдүк кыз" жана башка популярдуу ырлардын аткаруучусу. Ал көбүнчө сүйүү жөнүндө ырларды ырдап, жаш муундун сүймөнчүлүгүнө ээ болуп келет.