Белгилүү ырчы Ильгиз Абдалиев менен жубайы Назима Муратбекова кыздуу болушту. Бул тууралуу түгөйлөр социалдык тармактагы баракчасында билдиришти.
Түгөйлөр кызына Рианна деген ысым коюшкан.
Белгилей кетсек, түгөйлөр 2019-жылы баш кошушкан. Буга чейин алар 2 уулду тарбиялап келишкен.
Ильгиз Абдалиев "Сүйкүм сүйүүм ай", "Апакем", "Кыргызда болсун дагы той", "Гүлдөй, гүлдөй", "Сүйкүмдүүсүң, жаным, секетим", "Саманчынын жолу" жана башка ырларды аткарып келет.