Дайыр Исмадияров: “Заманаң куруп калганда ата-энең, бир туугандарың эле жаныңда болот тура...”

Ырчы Дайыр Исмадияров SUPER.KG порталы жана "Супер-Инфо" гезитине кеңири маек куруп берди. Жашоо, сыноолор, жакын адамдардын колдоосу же колдобой коюшу, жан дүйнө тынчтыгы жаатында кызыктуу кеп кылып берди. Жаңы жашоо баштап жатканын белгилеп, төмөнкүлөргө токтолду:

"Мен үчүн төрт мезгилдей эле жашоонун да төрт этабы бар. Ошонун бир этабы мен үчүн жаңы жабылды. Турмуштун өйдө-ылдыйын, азабы менен жыргалын, айтор, баарын көрдүм. Абдан кыйын кырдаалдан өттүм. Толугу менен “перезагрузка” болдум.

Адашып, көп жолу алдандым. Ушуга чейин терип-жыйгандарым бир күндө жок болуп кетти. Баракчамдан байкасаңыздар керек, ошол учурда 50 килограммга чейин арыктадым. Заманаң куруп калганда ата-энең, бир туугандарың эле жаныңда болот тура. Нан тиштеп антташкан досторуң деле эч нерсе кылып бербейт экен",- дейт ал.

Каарманыбыз учурда финансылык, психологиялык жактан жаңы тепкичке көтөрүлгөнүн айтып, жашоонун жаңы барагы дилди тазартуудан башталганына токтолду.

Маекти толугу менен Ютуб каналыбыздан көрсөңүз болот.