Путин тууралуу тартылган европалыктардын тасмасынын трейлери жарыяланды (видео)

Дүйнөдөгү эң эски киностудия, франциялык Gaumont компаниясы Путин тууралуу "Кремль сыйкырчысы" аттуу тасманын трейлерин жарыялады. Видеону студия өзүнүн YouTube каналына жүктөдү.

Тасмада негизги ролдорду Жуд Лоу, Пол Дано жана Алисия Викандер аткарышкан. Британиялык актёр Лоу орус президенти Владимир Путиндин образын жараткан. Тасманын сюжети Жулиано да Эмполинин ошол эле аталыштагы романынын негизинде тартылган.

Кинолента 2025-жылдын 31-августунда 82-Венеция кинофестивалынын конкурстук программасында көрсөтүлүп, сынчылардын оң пикирлерин жараткан. Маалыматка караганда, бул фильмди Орусияда да көрсөтүү пландары бар.