Казакстанда "Бейиш 2: Апама кат" тасмасы 12 күндө рекорд койду (видео)

Казакстанда "Бейиш 2: Апама кат" кыргыз тасмасы 12 күндө рекорд коюп, 1 миллиард теңге жыйнады. Кыргыз сомуна болжолдуу 180 миллион сом. Бул тууралуу уюштуруучулар билдиришти.

Коңшу мамлекетте аталган тасма казак тилине которулуп, "Пейиш 2" деген аталышта өз көрүүчүлөрүнө сунушталууда.

Мындан тышкары, уюштуруучулар кинотеатрларда билеттер толук сатылып, тасма аншлаг менен көрүлүп жатканын белгилешүүдө.

Белгилей кетсек, Казакстанда аталган тасманын жабык көрсөтүүсү 9-февралда орун алган. Ал эми Кыргызстанда болсо 29-январдан баштап өлкөнүн бардык кинотеатрларында көрсөтүлө баштаган.