Жеңишбек Токторбаев Ош мэриясынын карызы боюнча айтылган кептерге жооп берди

Ош шаарынын мурдагы башчысы Жеңишбек Токторбаев мэриянын карызы ал жетектеп турганда 12 миллиард сомго жеткени тууралуу айтылган кептерди четке какты.

Ал "Азаттыкка" бул боюнча комментарий берип, мэриянын 2 миллиард 300 миллион сом карызы бар экенин билдирди.

"Мэрияны карызга батырып кетиптир” деген доомат калп. Муниципалдык капиталдык курулуштан подрядчы компанияларга 750 миллион сом, шаардык жол куруу ишканасында 1 миллиард 500 миллион сомдун тегерегинде карыз бар. Жалпы шаарда аткарылган иштер боюнча подрядчы ишканаларга 2 миллиард 300 миллион сомдун тегерегинде карыз бар",- деген Токторбаев.