Сүмөлөк жасалып, улуттук даамдар тартууланат... "Манас" театры Ноорузга даярданууда

Бишкектеги Кыргыз улуттук "Манас" театрында 20-21-март күндөрү Нооруз майрамына арналган иш-чаралар өтөт.

Бул тууралуу аталган театр маалымат таратып, каалоочуларды иш-чарага катышууга чакырды.

Бул күндөрү ал жерде улуттук оюндар көрсөтүлүп, манас айтылат. Ошондой эле саамалык акындардын айтышы менен коштолот. Иш-чаранын алкагында сүмөлөк жасалып, улуттук даамдар тартууланат.

Ал эми 21-март күнү саат 12:00дө театр сахнасында "Тайтору" спектакли коюлат.

"Нооруз майрамын биз менен бирге тосуп, улуттук маданияттын кереметине күбө болуңуздар. Кирүү акысыз",- деп билдирди мекеме.

Автор: Айжанар Рыспек кызы
Фото: интернеттен алынды