Балык уулоо сүйүүчүлөрүнө: Бишкек мэринин кубогу өтөт

11–12-апрель күндөрү Константиновка айылында балык уулоо спорту боюнча “донка менен кармоо” (фидер) дисциплинасы боюнча Бишкек шаарынын мэринин кубогу өткөрүлөт.

Мэриядан билдиришкендей, мелдешке 2009–2016-жылдары туулган өспүрүмдөр, ошондой эле 18 жаштан жогорку эркектер жана аялдар катыша алышат. Мелдеш эки этапта өтөт: биринчи күнү өспүрүмдөр, экинчи күнү чоңдор күч сынашат.

Жеңүүчүлөр медалдар, дипломдор, кубоктор жана баалуу сыйлыктар менен сыйланышат. Катышууга арыздар 2026-жылдын 4-апрелине чейин кабыл алынат.

Автор: Айзада Кыдырмышева