20-март Кыргызстанда эс алуу күнү болот

Мусулмандардын Орозо айт майрамына байланыштуу 20-март Кыргызстанда иш эмес күн болуп саналат.

Эмгек, социалдык камсыздоо жана миграция министрлигинин 11-мартта берген маалыматына ылайык, буга байланыштуу майрамдын алдындагы жумуш күнү бир саатка кыскартылат.

Ал эми мамлекеттик майрам Нооруз - 21-март ишемби күнүнө туура келет. Эмгек кодексинин нормаларына ылайык, мындай учурда дем алыш күнүн башка күнгө жылдырылбайт.

Мындан тышкары, өндүрүштүк шарттарга байланыштуу иши токтотулбай турган уюмдарда кызматкерлерди майрам күндөрү жумушка тартууга эмгек мыйзамдарында белгиленген тартипте гана жол берилет.

Автор: Меерим Кабылова