Бишкекте 21 жаштагы эки жаран “кафенин эшигин талкалап, уурулукка барышкан” деп шектелишүүдө

Бишкекте 21 жаштагы эки жаран “кафенин эшигин талкалап, уурулукка барышкан” деп шектелишүүдө. Бул тууралуу Бишкек ШИИББинин басма сөз кызматы бүгүн, 3-июнда билдирди.

Белгилүү болгондой, Бишкектеги кафелердин бирине белгисиз адамдар эшигин талкалап уурулукка киришкен. Кийин ал жактагы акча жана спирт ичимдиктерин көтөрүп кетишкен. Бул тууралуу милиция кызматкерлерине маалымдалып, алар тарабынан аталган кылмышка шектүү катары 1993-жылы туулган Пётр жана Галибек аттуу жарандар кармалган.

Учурда иликтөө иштери уланууда. Аталган жарандардын башка кылмыштарга тиешеси бар же жоктугу текшерилип жатат.

Автор: Мирлан Өмүралиев