"Сотто айыпталуучулар темир тордо эмес, жактоочунун жанында отурушу керек" дейт укук коргоочу Азиза Абдрасулова

"Айыпталуучулар темир тордо эмес, жактоочунун жанында отурушу керек. Бул эл аралык мыйзамда кабыл алынган жобо" деди укук коргоочу Азиза Абдрасулова. Ал бул пикирди бүгүн, 25-январда Биринчи Май райондук сотунда "ата журтчу" 3 депутаттын сот иши учурунда айтты. “Бул эл аралык жобо, сот процессинде колдонулуп келе жаткан ыкма. Депутаттар коркунучтуу кылмыш жасаган адамдар эмес, алар жактоочулар менен сүйлөшүп, кеңешип олтурушу керек”,- деди укук коргоочу. Сот ишине төрагалык кылуучу судья Адылбек Субанкулов бул сунушту 31-январдагы өтүүчү сот ишине чейин ачык калтырды.