Жылнаама

13- Март 1966 -жылы мурунку башкы прокурор Эльмурза Сатыбалдиев төрөлгөн

Президенттин коргоо, коопсуздук жана укук тартиби боюнча мамлекеттик экс-кеңешчиси, экс-башкы прокурор Сатыбалдиев Эльмурза Ракиевич Ош облусуна караштуу Өзгөн районунун Салам-Алик айылында туулган. 7 жашында Сузак районундагы Карл Маркс атындагы мектеп-интернатына кирип, орто билимди ошол жерден алган. Кийин балалык кездеги “прокурор болом” деген кыялын ишке ашыруу үчүн Кыргыз мамлекеттик университетинин юридикалык бөлүмүнө тапшырган. Аны 1992-жылы аяктаган соң Жалал-Абад, Ноокен, Таш-Көмүр шаарларында прокуратурада иштейт.

2001-2006-жылдар аралыгында Кемин району, Жайыл району, Ысык-Көл облусунун прокурору болуп, УКМКнын төрагасынын орун басарлыгына чейин көтөрүлгөн. Эльмурза Сатыбалдиев 2007-жылдын 29-мартынан тартып 2009-жылдын 23-ноябрына чейин баш прокурор болуп иштеген.

Ал эми 2014-жылдын 25-июлдагы "Апрель" окуясы боюнча соттук отурумда Бишкек гарнизонунун Аскердик сотунун чечими менен Эльмурза Сатыбалдиев 10 жылга эркинен ажыратылып, сот залынан камакка алынган. Ал "кызмат абалынан кыянаттык менен пайдалануу" беренеси боюнча күнөөлүү деп табылган.