СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Режиссёр Леонид Гайдайдын комедияларындагы атактуу үчилтиктин бири, актёр Евгений Моргунов Москва шаарында төрөлгөн. 14 жашынан тарта ишканада эмгектене баштаган. 16 жашында Иосиф Сталинге өзүнүн театралдык окуу жайга кабыл алынышын суранып кат жазып, ал жерде билим алуу укугуна ээ болгон.
Евгений Моргунов "Пёс Барбос и необычный кросс" ("Барбос жана өзгөчө кросс"), "Самогонщики" ("Самогончулар"), "Операция "Ы" и другие приключения Шурика", ("Ы" операциясы жана Шуриктин башка окуялары") "Кавказская пленница, или Новые приключения Шурика" (Кавказ туткуну же Шуриктин жаңы окуялары") жана башка тасмаларда кайталангыс ролдорду жараткан.
Актёр 1999-жылы 25-июнда көз жумган.
Жеке жашоосу
Актёр 2 ирет үй-бүлө курган. Биринчи жубайы Варвара Рябцева өзүнөн 13 жаш улуу болгон. Экинчиси Натальяга Евгений Моргунов 1965-жылы баш кошуп, эки уулдуу болушкан. Уулдарынын бири актёр көзү тирүү кезинде жол кырсыгына кабылып, көз жумган. Ошол окуядан соӊ ал катуу депрессияга кабылып, туура бир жылдан соӊ көз жумган. Өлөр алдында сөөгүн уулунун жанына коюшун табыштап кеткен.
Бирок уулунун каргашалуу өлүмүнө чейин Моргунов башка керээзди айтканы айтылып келет. Маалыматтарга караганда, 1997-жылы Юрий Никулин (легендарлуу үчилтиктен Никулин биринчи көз жумган) менен коштошуу зыйнатында Москва шаарынын мурунку мэри Юрий Лужковго келип, "Юрий Михайлович, Вицин экөөбүздү кайсы жерге коёсуӊар?" деп суроо салган. Эмне дээрин билбей калган мэрге актёр: "Чогуу койгула. Элестетиӊиз, элдер мүрзөгө келишет, баары кайгылуу, капалуу. Анан эле "Никулин, Вицин, Моргунов" деген жазууну көрүп, баарынын жан дүйнөсүндө жылуулук пайда болот", - дегени айтылат.
