Бишкекте "Кургак учукту жеңебиз!" долбоорунун алкагында тренингдер өтүүдө

Бишкекте 5-6-мартта "Кургак учукту жеңебиз!" долбоорунун алкагында Чүй облусу жана Бишкек шаарындагы кургак учук лабораторияларында сапаттуу менеджмент системин киргизүү боюнча тренинг өттү. Саламаттыкты сактоо министрлиги билдиргендей, тренингди "Үй-бүлөнүн саламаттыгы боюнча эл аралык уюмдун" өкүлдөрү өткөрүштү. "Окутуунун максаты - кургак учук лабораторияларында башкаруу жана сапаттуу мониторинг жүргүзүү үчүн потенциалды күчөтүү",- деп билдирет министрлик.

"Кургак учукту жеңебиз!" долбоорунун өкүлү Замира Байдуллаеванын билдиришинче, кургак учукка каршы күрөшүү боюнча улуттук программанын алкагында жаңы пилоттук райондор тандалды. Жумуш үч багытта жүрүп жатканы айтылды: баа берүү иштерин уюштуруу, адистерди окутуу жана мониторинг системин ишке киргизүү.

Автор: Автандил Добулбеков