"Ата Мекен" партиясынын мүчөлөрү Кызыл-Кыянын тургундары менен жолугуп, миграция көйгөйүн талкуулашты

Баткен облусунун Кызыл-Кыя шаарында "Ата Мекен" социалисттик партиясынын шаардык уюмунун конференциясы болуп өттү. Партиянын басма сөз кызматы билдиргендей, конференцияга Жогорку Кеңештеги "Ата Мекен" фракциясынын лидери Өмүрбек Текебаев, депутат Бактыбек Калмаматов, Орусия Федерациясындагы аймактар аралык кыргыз мамлекетинин эмгек мигранттарынын коомдук кыймылынын төрагасы Алишер Мадамбеков, партиянын Кызыл-Кыя шаардык уюмунун координатору Айдар Жоробеков жана партиянын 200дөн ашуун мүчөлөрү, 100дөн ашуун коноктор катышты.

Конференциянын жүрүшүндө партия лидери өлкө аймагындагы саясий кырдаалга токтолсо, Бактыбек Калмаматов "Ата Мекен" жаштардын партиясына айланып бара жатканын белгиледи. Мигранттар туурасында сөз сүйлөгөн Алишер Мадамбеков "Ата Мекен" партиясы тарабынан сунушталып жаткан мигранттар жөнүндөгү мыйзам долбоорун кубаттап, бул мыйзам долбоору аркылуу 100 миңдеген мигранттын көйгөйү чечиле тургандыгын маалымдады.

Конференциянын соңунда партия лидери шаардык уюмдун активдүү мүчөлөрүн, партиянын Ардак грамотасы менен сыйлады.

Белгилей кетсек, мындай конференциялар буга чейин республиканын Ош, Жалал-Абад, Ысык-Көл, Талас, Чүй облустарынын райондорунда өткөрүлгөн. Учурда жолугушуулар өлкөнүн башка аймактары боюнча уланып, "Ата Мекен" социалисттик партиясынын республикалык курултайына даярдыктар кызуу жүрүүдө.

жаңыланды 18:35 21-04-2015
кошулду 20:46 20-04-2015

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 374 0

21:29 2024-04-23 | Саясат

Бишкек мэри коомдук транспорттон күнүнө канча акча түшөрүн айтты 1037 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 843 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 298 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 722 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 408 0

Архив

Комментарийлер (7)

Asa0033

2015-04-21 12:55:48

Башка партияларга караганда Ата Мекен партиясы иштеп жатат. Аты жыты чыкпаган депутаттардын барынан жогу. Айына 100 миңдеп айлык алып, мурдун чукуп отурган депутаттар канча? Ал эми Текебаев айрымдарга караганда корунуктуурок иш алып баратат

zaryl_sher

2015-04-21 13:56:53

"Демократия жана жарандык коом коалициясы" Омурбек Текебаевди эн коп жана эн пайдалуу мыйзамдарды жазган деп тааныды. Алардын ичинде мигранттардын укугун коргоочу мыйзам долбоору салмактуу орунга ээ. Ал эми Текебаевди көрө албаган "бузуку" сөрөйлөр үчүн мындай кадамдар жагымсыз таасир калтырат.

bom.bon

2015-04-21 15:24:58

Жакшы депутаттар деле укук коргоочулар деле коп.болбосо кыргызстан чачыранды болуп кетмек!жакшы жаман жанма жан журушот ?ошого мамлекет онукпой ортодо турат эми озун корсотоюн дегенди тушуруп коюшат кайра жардам бериштин ордуна!Бакиев Кадыржандарды кайра алып келген менен пайда жок андан коро азыргы ичте отургандар кадыржан бакиевдерге окшобой биримдикде арекет кылуусу керек!

-3

Polat

2015-04-21 16:07:24

Бул беш жылдыкта тактап айтканда V-созывда Ат-Мекен партиясы эн жакшы иштеди муну боюнга алыш керек.Канча жылдан бери бул партияга фанат болуп келем. Башка олигархтар толгон партияларга салыштырмалуу мыйзам чыгаруу манилуу маселелерди которуудо Ата-Мекен партиясынын салымы зор. Келе жаткан шайлоодо Алла буйруса дал ушул партияга добушумду берем. Бар болгула!!!

SHATY

2015-04-21 19:45:49

Ата-Мекен анын ичинде О.Текебаев, мен бул инсанды сыйлайм. Кучтуу политик, президент болсо козго корунуктуу иштер жасалмак. Мага кошулгандар коп эле деп ойлойм, кошулбагандар унчукпай эле койунуздар.

-2

st1m_

2015-04-22 08:39:10

Текебаев кыргызга куйгон бирден бир адам.Чындык учун эч нерседен тайманбайт.Эч качан бийликке кошоматчы да болгон жок.Келечектеги президент.

admin_portal

2015-04-22 12:03:02

magnat1013 - эскертүү!
Кимдир бирөөнүн кадыр-баркына шек келтирген билдирүүлөрдү жазууга тыюу салынат.

Комментарий калтыруу үчүн өз ысымыңыз менен кириңиз же каттоодон өтүңүз.