Экс-министр Равшан Сабировго сот өкүмү 12-ноябрда чыгарылат

Бишкектин Биринчи Май райондук соту 12-ноябрда КРнын Социалдык өнүктүрүү министрлигинин мурунку жетекчиси Равшан Сабировго карата өкүм чыгарат. Мамлекеттик айыптоочу Сабировду 15 жылга, анын жардамчысын 14 жылга эркинен ажыратууну суранууда. Сабировдун жактоочусу Икрамидин Айткулов 12-ноябрда жабырлануучуга акыркы сөзүн айтууга уруксат берилет, андан соң судья өкүм чыгара турганын белгилейт. "Сабировдун жардамчысы Мирзахметов башында айткан сөздөрүн кийин сотто танып кетти. Азыр эч кандай далилдер жок",- деп Равшан Сабиров сотто акталарына ишеним артып турганын айтат жактоочу. Эске сала кетсек, айыпталуучу Равшан Сабиров өзүнүн актыгын айтып, тагылып жаткан айыптоолордон баш тартып келет.

Автор: Автандил Добулбеков