Валерий Диль: "Өкмөт кичи авиацияны өнүктүрүүгө колдоо көрсөтөт"

Вице-премьер-министр Валерий Диль 6-майда кыргыз мамлекетинде кичи авиацияны өнүктүрүү боюнча кеңешме өткөрдү. Жыйында жеңил жана өз алдынча куралган учактарды колдонуу, ата мекендик кичи авиацияны жандантуу маселелери талкууланганын өкмөттөн билдиришти. Диль: "Өкмөт уюштуруу маселелерине, тармакты өнүктүрүү үчүн укуктук-нормативдик базаны карап чыгууга жардамын берет",- деп билдирди. Жыйынтыгында Транспорт жана коммуникация министрлигине жана Жарандык авиация агенттигине республикада кичи авиацияны өнүктүрүү үчүн тийиштүү мыйзамдарга өзгөртүү киргизүү сунуштамасын иштеп чыгуу тапшырмасы берилди.

Автор: Автандил Добулбеков