Бишкекке Түркиянын Токой жана суу чарба министрлигинин делегациясы келди

Бишкекке бүгүн, 12-майда өлкөлөр ортосундагы токой чарба тармагындагы кызматташтык жөнүндө макулдашууну ишке ашыруу алкагында Түркиянын Токой жана суу чарба министрлигинин делегациясы келди. Бул тууралуу Айлана-чөйрөнү коргоо жана токой чарба агенттигинен билдиришти. Делегация менен агенттиктин статс-катчысы Бахтияр Абдиев жолугушуп, токойлорду сактоо жана калыбына келтирүү маанилүү милдет экенин белгиледи. Эки өлкө өз кызыкчылыктарын коргоо менен тармакта жемиштүү кызматташарын айтты.

Маалыматка таянсак, делегация Чүй жана Ысык-Көл облусундагы токой чарбалардын иши менен таанышат.

Автор: Автандил Добулбеков