Кыргыз мамлекети менен Кытайдын Фошань шаарынын ортосундагы кызматташтык бир баскычка көтөрүлөт

Кыргыз мамлекетинин Гуанчжоу (Кытай) шаарындагы башкы консулу Максат Тентимишов Фошань шаарынын вице-мэри Май Цзиехуа менен жолугушту. Тышкы иштер министрлиги 13-майда билдиргендей, тараптар кыргыз өлкөсү менен аталган шаардын кызматташтыгын күчөтүү мүмкүнчүлүктөрүн талкуулашты. Башкы консул соода-экономикалык кызматташтыктан инвестициялык мамилеге өтүү сунушун айтты. "Мындан тышкары башкы консул менен вице-мэр Ош жана Фошань шаарларынын ортосунда боордоштук алака түзүү маселесин да талкулашты. Бул жаатта жыл ичинде делегациялардын эки тараптуу иш сапарлары күтүлүүдө",- деп билдирди ТИМ.

Автор: Автандил Добулбеков