Кыргыз мамлекети 2014-жылы сүт, картошка жана мөмө-жемиш менен өзүн өзү камсыздады

Кыргыз мамлекети азык-түлүк коопсуздугунун талаптары боюнча 9 азыктын 3 түрү менен гана өзүн камсыздайт. 2014-жылы сүт, картошка жана мөмө-жемиш менен өзүн өзү камсыздады. Бул тууралуу вице-премьер-министр Дамира Ниязалиева 13-майда азык-түлүк коопсуздугу жана тамак-аштын сапаты талкууланган жыйында билдирди. "Кыргыз мамлекетинде 2007-жылы өндүрүш коопсуздугу боюнча кеңеш түзүлгөн. Муну менен өлкөнү туруктуу жана тынымсыз азык-түлүк менен камсыздоого байланыштуу ыйгарым укуктуу орган ыкчам чечимдерди кабыл алууга милдеттендирилген",- деди Ниязалиева.

Айта кетсек, калк көп колдонгон 9 азык-түлүк төмөнкүлөр: ун азыктары, картошка, мөмө-жемиш, жашылча, кумшекер, өсүмдүк майы, эт жана эт азыктары, сүт азыктары жана жумуртка.

Автор: Автандил Добулбеков