Ош мамлекеттик университетине Орусиянын Белгород мамлекеттик улуттук изилдөө университетинин доценти, юридика илимдеринин кандидаты Цуканова Елена келди. Окуу жайдан кабарлашкандай, ал ОшМУнун юридика факультетинин студенттерине, магистранттарына 12-13-14-май күндөрү юридика багытында лекцияларын окуду. Иш сапардын алкагында Е.Цуканова окуу жайдын ректорунун кабыл алуусунда болуп, Белгород мамлекеттик улуттук изилдөө университети менен ОшМУнун биргелешкен кызматташуулары боюнча сүйлөшүүлөрдү жүргүзүштү.
Белгород мамлекеттик улуттук изилдөө университетинин башаты 1876-жылы башталган болсо, учурда 25 миңден ашуун студент окуп, анын ичинен 1800дөн ашуун чет элдик студенттер дүйнөнүн 76 мамлекетинен келип билим алышат.