Бишкекте Энелер күнү белгиленүүдө

Бүгүн, 15-майда Бишкек шаарынын мэриясы Энелер күнүнө арналган иш-чараларды өткөрүүдө. Мэриянын басма сөз кызматы билдиргендей, Бишкектеги Ленин районунда “Баатыр эне” жана “Эне даңкы” наамын алган 143 айым, Свердлов райондук администрациясында “Баатыр эне” жана “Эне даңкы” наамын алган 160 аялзатынын катышуусунда иш-чара өткөрүлдү. Ошондой эле Биринчи Май райондук администрациясы 14:00дө Тарых музейинде “Баатыр эне” жана “Эне даңкы” наамын алган 160 эненин катышуусунда майрамдык салтанат өткөрөт. Ал эми Октябрь райондук администрациясы 92 “Баатыр эне” жана “Эне даңкы” наамынын ээлерине арналган иш-чараны 14-майда “Салкын-Төр” ресторанында өткөрдү.

Айта кетсек, президент Алмазбек Атамбаевдин демилгеси менен 2012-жылдын май айынын үчүнчү жекшембисинен тарта кыргыз мамлекетинде Энелер күнү белгиленип келет. Бул күн энелердин коомдогу ордун, статусун жогорулатып, энелерге көңүл бурууга арналган күн болуп эсептелинет.

Дүйнө жүзүндөгү ар бир мамлекет өзүнүн маданиятына, салтына таянып, атайын бир күндү салттуу түрдө Энелер күнү катары белгилейт. Энелер күнүн белгилөө Байыркы Римден баштап биздин заманга чейин сакталып калган салт болуп эсептелет. Америка Кошмо Штаттарында Энелер күнү 1872-жылдын май айынын экинчи жекшембисинде биринчи жолу белгиленген. Ал эми Орусия 1998-жылы ошол убактагы президент Борис Ельциндин буйругунун негизинде ноябрь айынын акыркы жекшембисинде майрамдап баштаган.

Автор: Жамалидин Парманкулов

13:27 15-05-2015

Жазылуу

РУБРИКАДАГЫ СОҢКУ КАБАРЛАР

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1038 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 1452 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 1842 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1699 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 837 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 1682 0

Архив

Комментарийлер (5)

Kubatova-90

2015-05-15 13:31:54

Дуйнодогу ар бир эне аман болсун!

Lapushka15

2015-05-15 13:36:50

Мен дуйнону апам менен тааныгам!!!Жарык дуйного алып келген апаларыбыз уйдун чырагы,уйдун куту!Бар болунуздар!!!!

volk.kg

2015-05-15 14:43:30

Дуйно,мулк,байлык бийликтин кереги жок.Доолотум болгон тумар энекем аман болсун. Happy mother's day

Zhazgul.toichubekova

2015-05-16 12:05:22

Эн кымбат бул билесинби эне экен.
Уйкусуз тун ичинде алдейлеген.
Тугонгус алтын кенин берсен дагы.
Билбедим бир чачына тен бекен.

Ал адам ар убакта сен деген.
Сага берип озу байкуш жебеген.
Озгорбогун эч озумчул болбогун.
Бейишиндин себеби да энекен.

Бар дунуйо кемдик кылат энеден.
Эне берген мээрим сага келбеген.
Туман басып суйуп куйуп журосун.
Ошол адам энекене тен бекен.

Энесиз пенде жерге келбеген
Адам болбойт эне сутун эмбеген
Энекене мээрим тогуп суйбосон
Айрыман жок билесинби эмнеден?

Zhazgul.toichubekova

2015-05-16 12:06:48

Таянар тоонуздардын омуру узун болсун! Энелер дуйнонун туркугу!

Комментарий калтыруу үчүн өз ысымыңыз менен кириңиз же каттоодон өтүңүз.