Алмазбек Атамбаев: "Биздин байлыгыбыз мунайда жана газда эмес, байлык биздин элибизде, энелерибизде"

Бүгүн, 16-майда президент Алмазбек Атамбаев 7 жана андан көп балалуу энелерге Баатыр эне орденин тапшыруу аземин куттуктоо сөзү менен баштады.

"Калкыбыздын санынын көбөйүп жатканына сүйүнүп жатам. Келечекте кыргыз жарандарынын саны 10 миллионго жетерине ишенемин. Биздин байлыгыбыз мунайда жана газда эмес, байлык биздин элибизде. Элди көбөйтүп жаткан биздин энелерибиз. Барган сайын аз-аздан өлкөбүздө баары оңолот. Айрымдар жамандыкты, терс божомолдорду айтышат. Келечекте региондо биз баарынан ашабыз",- деди президент.

Автор: Нургазы Аматов
Фото: Нургазы Аматов