Депутаттар бейөкмөт уюмдарга өлкөнүн саясатына кийлигишүүгө тыюу салганы жатышат

Бүгүн, 19-майда Жогорку Кеңештин Адам укуктары, конституциялык мыйзамдар жана мамлекеттик түзүлүш боюнча комитетинин отурумунда "Коммерциялык эмес уюмдар жөнүндө" мыйзамга өзгөртүүлөрдү жана толуктоолорду киргизүү боюнча мыйзам долбоору талкууланууда.

Документке ылайык, Кыргыз Республикасында түзүлгөн жана чет мамлекеттерден акчалай каражаттарды алган коммерциялык эмес уюм чет өлкө агентинин иш-милдетин аткаруучу коммерциялык эмес уюм болуп эсептелет.

Бул долбоор менен демилгечи депутаттар коммерциялык эмес уюмдун кирешелеринин өлчөмү жана түзүмү, мүлктүн курамы жана коммерциялык эмес уюмдун чыгымдары, кызматчылардын сан-эсеби жана курамы, алардын эмгегин төлөп берүү коммерциялык эмес уюмдун ишинде жарандардын акысыз эмгегин пайдалануу жөнүндө маалыматтар боюнча отчёт берүүгө милдеттендиргени жатышат. Мындан тышкары бейөкмөт уюмдарга өлкөнүн ички саясатына кийлигишпөө боюнча норма киргизилгени жатат.

Автор: Нургазы Аматов