Быйыл туристтик сезондо жол-кайгуул кызматкерлери кызматтык гана унаалар менен иштешет

Быйыл туристтик сезондо жол-кайгуул кызматкерлери кызматтык гана унаалар менен иштешет. Мындай маалыматты бүгүн, 21-майда маалымат жыйынында КРнын Жол-кайгуул кызматынын башчысынын орун басары Ыманалы Саркулов билдирди. Анын айтымында, эгер буга чейин Жол-кайгуул кызматынын инспекторлору жумушуна жөнөкөй унаалар менен чыгып кызмат өтөшсө, быйыл мындай көрүнүштөр катталбайт.

“Жол эрежелерин бузган айдоочулар атайын терминалдар аркылуу айып пул төлөшсө болот. Мындан тышкары Балыкчы жана Чолпон-Ата шаарларында акча төлөөгө мүмкүн болгон терминалдар ачылат.

Ал эми жол коопсуздугун сактоо максатында Бишкектен Балыкчыга чейин 9 пост иштейт, кошумча 3 пост Балыкчыдан Караколго чейин коюлат”,- дейт Саркулов.

Автор: Наргиза Бекжанова
Фото: Наргиза Бекжанова