Темир Сариев КМШнын өкмөт башчыларынын жыйынына катышуу үчүн Астана шаарына жөнөп кетти

Өкмөт башчы Темир Сариев бүгүн, 28-майда Евразия өкмөт аралык кеңешинин жана Көз карандысыз Мамлекеттер Шериктештигине мүчө өлкөлөрдүн премьер-министрлеринин жыйынына катышуу үчүн Казакстандын Астана шаарына жөнөп кетти. Бул тууралуу өкмөттүн маалымат кызматы кабарлады.

Сапар алкагында Сариев Казакстандын президенти Нурсултан Назарбаев жана Казакстан, Беларусь, Тажикстан жана Армениянын премьер-министрлери менен эки тараптуу жолугушууларды өткөрөт.

Темир Сариев буга чейин кеңештин жыйынында кыргыз мамлекетинин жарандарын "кара тизмеден" чыгаруу маселеси караларын билдирип келген.

Автор: Жамалидин Парманкулов