Айбек Упенов Талас мамлекеттик университетинин ректору болуп дайындалды

Бүгүн, 16-июнда Айбек Упенов Талас мамлекеттик университетинин ректору болуп дайындалды. Бул тууралуу Билим берүү жана илим министрлигинин басма сөз кызматы билдирди.

Кыргыз Республикасынын Премьер-министри Т.Сариевдин 2015-жылдын 10-июнундагы №223 «А.Ш.Упенов жөнүндө» буйругуна ылайык, Талас мамлекеттик университетинин ректору болуп жана кол коюу укугу менен дайындалды.

Жаңы дайындалган ректорду КРнын Билим берүү жана илим министрлигинин статс-катчысы К.Т.Шадыханов окуу жайдын жалпы жамаатына тааныштырды.

Автор: Айпери Ганыжан кызы