Оштун Амир-Темир аймактык кеңешинде 95 орундуу балдар бакчасы Эгемендүүлүк күнүнө карата ишке берилет. Заманбап бала бакчанын курулуш иштеринин тендердик баасы 42 миллион 778,2 миң сомго барабар. Муну Ош шаардык капиталдык курулуш башкармалыгына шилтеме берүү менен мэриядан кабарлашты.
Маалым болгондой, шаар башчысы Айтмамат Кадырбаев пайдаланууга берилмекчи болгон балдар бакчасына барып, андагы курулуштун сапаты менен таанышты.