Бишкекте жоголгон мектеп окуучусу Ырыскелди табылып, анын туугандары баланын кайда жүргөнүн айтып беришти

Бишкекте изделип жаткан 4-класстын окуучусу Ырыскелди Чаткалбеков табылды. Бул тууралуу SUPER.KG порталына баланын туугандары билдиришти.

"Кечээ Ырыскелди мектептен чыгып, маршруттук таксиде уктап калыптыр. Ойгонгондо өзү билбеген жерге барып калган. Андан соң маршрутканын айдоочусуна адашып калганын айтып, "Бишкек-Парк" соода борборуна жеткирүүнү суранган экен. Анткени биз мурда аны бул жайда ойнотуп жүрчүбүз. Соода борборунун ичине кирип кыдырып жүрүптүр, бирок эч кимден жардам сурабаптыр. Анын уюлдук телефону жок болчу, бирок менин номеримди жакшы билчү.

Сыртка чыкканда аны жаш балдар жана алардын арасындагы Равшана аттуу кыз байкап, "Кечинде эмне жалгыз жүрөсүң?" деп сурашкан экен, Ырыскелди баарын түшүндүрүп бериптир. Ошол кыз "Акчаң барбы?" деп сураса, акчасы жок экенин айткан. Ошондо алар 20 сом беришиптир.

Андан соң суукта үшүгөндүктөн, бала таксисттен унаанын салонуна отуруп турууну сураныптыр. Салондо отуруп уктап калган экен, ойгонсо таксисттин үйүндө жатыптыр. Ошол таксист эртең менен аны кайра "Бишкек-Паркка" алып келген. Биз таң атпай бул соода борборунун айланасында издөөлөрдү жүргүзгөн элек. Анан кокустан Ырыскелдини бир унаа алып келгенин көрүп калдым. Ага эч ким тийишпегенин айтты. Денесинде эч кандай жаракаттар жок",- деди баланын жакын тууганы.

14:07 29-09-2015

Автор: Нургазы Аматов

Жазылуу

РУБРИКАДАГЫ СОҢКУ КАБАРЛАР

20:09 2024-05-05 | Саясат

"Өзгөртүп коюу беш секундда". Президент "Рух Ордо" комплексинин долбоору боюнча сурамжылоо жүргүзүүдө 664 0

16:27 2024-05-05 | Коом жана турмуш

Кыргызстан менен Өзбекстандын чектешкен аймагында жер титиреди 1138 0

16:16 2024-05-05 | Коом жана турмуш

Этникалык кыргыздарга окуу жайлардан 75 орун берилди 388 0

15:03 2024-05-05 | Коом жана турмуш

Шашылыш билдирүү: Бишкек менен Чүйдө катуу шамал болот 708 0

13:54 2024-05-05 | Маданият, шоу-бизнес

Бишкекте “Король Лир” спектаклинин премьерасы өттү (сүрөттөр) 435 0

12:27 2024-05-05 | Саясат

Нурланбек Шакиев кыргызстандыктарды 5-май – Конституция күнү менен куттуктады 328 0

Архив

Комментарийлер (7)

mem77

2015-09-29 16:14:25

Ар кай жерге уктап калганы кандай бул баланын? Ата-энем сар-санаа болот деген ой жок го бу балада!!!

mira28

2015-09-29 16:50:47

Ата энеси коп конул бурбайт окшойт бейтааныш адамдар менен суйлошуп ар кай жерде журсо аны дагы гезитке жарыялап алгач балага тарбия беруу керек чон шаарда эмнелер гана болуп кетип жатат тиги таксист да кызык го уйуно жеткирип койбойбу озунун уйуно алып баргыча

bakan

2015-09-29 18:39:41

mira28, уйун билбесе кайдан жеткирет

mira28

2015-09-30 01:18:10

bakan, апасынын номерин жатка билген бала кантип жашаган жерин билбесин эсеби 10жаштагы балакен.Таксисте кумонум бар ата энеси доктурга алып барып текшертип койсо ашыкча болмок эмес сактыка кордук жок

KYRGYZJERI

2015-09-29 20:40:47

Негизи биз балдарга ушундай ситуацияда эмне кылуу керектигин уйротпойбузда.
телефон номерин жатка билсе эмне анда бироонон же ошол эле таксистен чалып алайын деп сураган жок деген суроо келет.
Чон эле бала экен уйун жатка билиш керекко, жоголдум деп айтса бироо жарым боору ооруп жеткизип коймок.
Аягы жакшы бутконуно шугур

AiBoru

2015-09-29 20:45:53

Ушундай болгонуна да кумонум бар. Ай ким билет, ким билет.
Орган сатуу дегенди бир уккан элем. Балдарды уурдап уктатып каалаган керектуу органын алып кайра нур(луч) аркылуу билдирбей коюшат экен деп.
Эми кудай анын бетин ары кылсын, кудай сактааа

aku

2015-09-29 22:17:31

Фамилиясы менин районумдун аты го.биздин жердештер эмес бекен

Комментарий калтыруу үчүн өз ысымыңыз менен кириңиз же каттоодон өтүңүз.