ШАЙЛОО-2015: Нарын облусундагы шайлоо участкалары жабылды

Өкмөттүн ыйгарым укуктуу өкүлү Аманбай Кайыпов Нарын шаарындагы №4067-шайлоо тилкесинде добушун берди. Идентификация системин өтүү менен бюллетень алып, шайлоо кабинасында белги коюп, электрондук эсептөөчү урнага бюллетенди таштады.

Нарын облусунун Оттук айылында шайлоо процесси өтүүдө. Мыйзам бузуулар катталган жок. Облус боюнча 233 ички иштер кызматкери, 495 элдик кошуундун мүчөсү (ДНД), 42 автоунаа коомдук тартипти көзөмөлдөп жатат.

Нарын облусу. Оттук айылы.

Нарын шаарында парламенттик шайлоо мыйзам чегинде өтүүдө. Добуш берүүгө келгендердин саны көп. Бул тууралуу БШКнын аталган шаардагы өкүлү Алмас Аскаров билдирди.

Оттук айылында урна бузулуп калды. Азыркы тапта урнаны калыбына келтирүү аракети жүрүп жатат. Эл кезек күтүп калды.

20:00. Нарын облусундагы шайлоо участкалары жабылды.

17:33. Оттук айылында урна бузулуп калды. Азыркы тапта урнаны калыбына келтирүү аракети жүрүп жатат. Эл кезек күтүп калды.

13:08. Нарын облусунун Оттук айылында шайлоо процесси өтүүдө. Мыйзам бузуулар катталган жок.
Облус боюнча 233 ички иштер кызматкери, 495 элдик кошуундун мүчөсү (ДНД), 42 автоунаа коомдук тартипти көзөмөлдөп жатат.

10:30. Өкмөттүн ыйгарым укуктуу өкүлү Аманбай Кайыпов Нарын шаарындагы №4067-шайлоо тилкесинде добушун берди. Идентификация системин өтүү менен бюллетень алып, шайлоо кабинасында белги коюп, электрондук эсептөөчү урнага бюллетенди таштады.

10:30. Нарын облусу боюнча 165 шайлоо участкасында добуш берүү жүрүп жатат. 332 аппаратта 641 оператор иш алып барууда. Мындан сырткары район борборлорунда жана шаарда техникалык жактан колдоо көрсөтүп туруу үчүн 6 мобилдик топ уюштурулган.

10:06. Нарын шаарында парламенттик шайлоо мыйзам чегинде өтүүдө. Добуш берүүгө келгендердин саны көп. Бул тууралуу БШКнын аталган шаардагы өкүлү Алмас Аскаров билдирди.

Бүгүн саат 08:00дө Нарын облусундагы бардык шайлоо участкалары эшигин ачты, азыркы тапта шайлоо процесси кызуу жүрүүдө.

Автор: Айпери Ганыжан кызы