Бүгүн Беларуста өтүп жаткан президенттик шайлоодо Лукашенкого атаандаш катары үч талапкер ат салышып жатат

Бүгүн, 11-октябрда Беларуста президенттик шайлоо өтүп жатат. Шайлоо участкалары жергиликтүү убакыт боюнча саат 8:00дө ачылды. Президенттикке өлкөнүн азыркы президенти Александр Лукашенко, "Либерал-демократтар" партиясынын лидери Сергей Гайдукевич, "Чындыкты сүйлө" кыймылынан Татьяна Короткевич жана патриоттор партиясынан Николай Улахович ат салышып жатышат. Өлкөнүн Борбордук шайлоо комиссиясы шайлоо жүрүшүнө 928 эл аралык байкоочу көзөмөл жүргүзүп жатканын чет элдик маалымат каражаттарына билдирди. Добуш берүү саат 20:00дө аяктайт.

Айта кетсек, Лукашенко бийлик башына 1994-жылы келген.

Автор: Жамалидин Парманкулов