Панфилов районундагы Каптал-Арык айылында Алыкул Осмоновдун айкели тургузулду

Бүгүн, 17-октябрда Чүй облусунун Панфилов районундагы Каптал-Арык айылында залкар акын Алыкул Осмоновдун 100 жылдыгына карата тургузулган айкелдин ачылышы болду. Аземге өкмөт башчы Темир Сариев катышканын өкмөттөн кабарлашты. Сариев Алыкул Осмоновдун 100 жылдык мааракеси менен президент жана өкмөттүн атынан жалпы кыргыз элин куттуктап, акындын кичи мекенинде айкелинин ачылышы маанилүү окуя экенин белгиледи.

“35 жыл гана жашаса да миң кылымдык өнөрдү мурас кылып калтырган кыргыз адабиятынын классиги Алыкул Осмоновдун чыгармачылыгына бүгүн биз таазим этип, анын рух дүйнөсүнө дагы бир жолу адамдык урматыбызды, сыйыбызды билдиргени турабыз. Алыкул Осмонов – чыныгы акындык өнөрдүн символу, кыргыз поэзиясынын туу чокусу. Алыкулдун Ата Журтубузду даңктаган ырлары - эң оболу туулган жерге болгон инсандык, мекенчилдик сүйүүнүн эталону”,- деди Темир Сариев өз сөзүндө.

Премьер-министр Алыкул Осмоновдун 100 жылдык мааракесин өткөрүү боюнча атайын комиссия түзүлүп, анын алкагында бир катар иштер аткарылганын билдирди.

“Мындай иш-чаралар Кыргыз Республикасы менен эле чектелбестен, жакында Түркияда акындын тандалган ырларынын жыйнагы түрк тилинде жарык көрдү. Эскерүү кечелери боордош өлкөнүн бир нече шаарында өттү. Ал эми 29-октябрда Бишкекте Алыкул Осмоновдун 100 жылдык мааракеси салтанаттуу белгиленет. Бул аткарылып жаткан иштер акындын баа жеткис поэзиясынын алдында эч нерсеге татыбайт, анткени Алыкул өзүнүн ыры менен бүтүндөй бир доорду жаратты”,- деп кошумчалады Сариев.

Ошондой эле Сариев Алыкул Осмоновдун фондун түзүп, анын чыгармачылыгын изилдеп, китептерин бастырып, музейин ачууга аракет кылган топко президенттин жана өкмөттүн атынан акчалай каражатты тапшырды.

Автор: Жамалидин Парманкулов

17:17 17-10-2015

Жазылуу

РУБРИКАДАГЫ СОҢКУ КАБАРЛАР

21:24 2024-05-19 | Түркүн дүйнө

Куткаруучулар Ирандын президенти отурган тик учак кулаган жерге жете элек 598 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 2430 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 1534 0

18:30 2024-05-19 | Саясат

Акылбек Жапаров Кочкорго барды (фото) 510 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 1934 0

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 1438 0

Архив

Комментарийлер (6)

Shat.88

2015-10-17 18:21:11

Талантына таазим!Кыргыз элинин адабиятына очпос,тугонбос ыр калтытырган чыгаан инсан!

Medina87

2015-10-17 18:50:52

Алыкул акын жарык дуйнодо аз жашаса да ырлары,поэзиялары эл арасында туболук жашаган акын!

kiyalbek.82

2015-10-17 18:51:52

Кайсыл киргиздер минус басып жатышат

maks94.kb

2015-10-17 19:27:22

ары бери откон сайын качан айкелинин бетти ачылат деп кутуп жатым эле мына бугун ачылыптыр эн соонун

Abdyrashit.Satylganov

2015-10-17 20:27:00

Жакшы жанылык..

zhykyo

2015-10-17 21:29:32

Кок мелжиген Аска-Зоолор талаалар,ортосунда Ысык-Колум чайпалып бир турат эй.Жээкте туруп Ысык-Колду коргум келет кайра мен.Кандай сонун ,кандай рахат суктанамын кооздука.

Комментарий калтыруу үчүн өз ысымыңыз менен кириңиз же каттоодон өтүңүз.