Ошто аскер кызматкерлеринин балдары үчүн аянтча ачылды

Ош шаарында 17-октябрь күнү КРнын Куралдуу күчтөрүнүн Башкы штабынын Түштүк-батыш аймактык командалыгынын аскер кызматкерлеринин балдарына ыроолонуп оюн аянтчасы ачылды. Бул тууралуу Ош шаарынын мэриясынын басма сөз кызматынан билдиришти.
Маалым болгондой, ачылыш аземине вице-мэр Ильичбек Эргешов, полковник Эрнист Тердикбаев жана жергиликтүү тургундар катышты.

"Балдар аянтчасы президент Алмазбек Атамбаевдин берген 500 миң сомдук сертификатынын негизинде курулду. Анын жалпы аянты 500 чарчы метрди түзөт.
Иш-чаранын жүрүшүндө балдарга таттуу белектер таратылды",- деп айтылат маалыматта.

Автор: Наргиза Бекжанова